El viniente 9 de febreru, xueves, a les 19 hores, va proyectase en Xixón la versión n’asturianu del llargumetraxe McLintock, protagonizáu por John Wayne y Maureen O’Hara. Sedrá nel salón d'actos del Centru Municipal Integráu de L'Arena, allugáu na cai Canga Argüelles 16-18, baxu. Previo al pase, fadráse la presentación del DVD cola película, publicáu por Gonzali Producciones. La entrada ye llibre.
McLintock estrenárase en 1963. Tien una duración de 127 minutos. El director foi Andrew V. McLaglen, con guión de James Edward Grant, fotografía de William Clothier y música de Frank DeVol.
Nel so repartu figuren, ente otros, John Wayne, Maureen O’Hara, Yvonne de Carlo, Patrick Wayne, Stefanie Powers, Jack Kruschen, Chill Wills, Jerry Van Dyke, Edgar Buchanan, Bruce Cabot, Leo Gordon, Robert Lowery y Hank Worden.
El doblaxe asturianu ta fechu por Gonzali Producciones, con un repartu integráu por Antón Caamaño, Mayra Fernández, Fernando Marrot, Eladio Sánchez, Arantxa Fernández, Carlos Alba, Norberto Sánchez, Ana Díaz Morán, Carlos Novoa, Fernando de Luxán, Alberto Álvarez Peña, Rodrigo Alba, Armando Felgueroso, Inma Rodríguez, Carlos González, Ruth González, Marcos Nogueiro, Hugo García, I.G. González, Marisa López Diz, Jéssica de la Paz y Carlos Rodríguez. El director de doblaxe ye Antón Caamaño.
Sinopsis: George Washington McLintock (Jhon Wayne), ye un terrateniente d’Arizona con unos caducos principios basaos na rudez y el machismu, y que tarrez la llegada de colonos. Al empar, produzse la vuelta de la so muyer, Kate (Maureen O’Hara), que lu dexara por nun soportar les costumes del oeste y agora torna col enfotu de llevar a la so fía a un sitiu más civilizáu. A partir d’esi momentu, van asocedese les engarradielles ente dambos, lo que va provocar situaciones cómiques, agravaes pola contratación d’una nueva y guapa cocinera na facienda (Ivonne de Carlo).
El versionáu a la nuestra llingua de McLintock tien una subvención menor de la Conseyería de Cultura del Principáu d’Asturies.
Esti actu ta entamáu por L’Arribada y cunta cola collaboración de Gonzali Producciones.
INFORMACIÓN COMPLEMENTARIA:
--
Asociación Cultural L'Arribada
Os la recomiendo, es desternillante, y es una joya de doblaje, un trabajo excelente. Aurora
ResponderEliminar